Régléman de lasociation

Mauritius-Deutscher Freundschaftskreis e. V.,

Siégé dan Sehnde, arondissement Hanovre

Régléman de lasociation

 

Mauritius-Deutscher Freundeschaftskreis e.V.,

Siégé dan Sehnde, arondissement Hanovre

 

Paragraf

§1.But de lasociation

 

Le but de lasociation cé pou valorise kiltir morisien ek fer tou ban étrangé (saki pa morisien) fer conésans kiltir morisien, en partikulié pou aide osi tou ban morisien ki dan l’Allemagne pou ki zot bien intégré dan l’Allemagne, ek mainténir solidarité.

Lasociation MDF e.V éna lintension promouvoir tolérance dan tou domaine kiltir pou ki morisien ek allemand compran zot pli bien.

Sa lasociation la existé san aukin lintension pou fer profit. Tou moyen financié ki lasociation éna pou servi selma pou acomplir le but de lasociation selon tou régléman.

Lasociation la péna nanié a fer avek politik ou réligion.

Bizin acomplir le but de lasociation a traver ban point suivant:

 

                        -Éne garanti ki éna éne rencontre régulié ki passe touzour dan lordre

                        -Organisation ban rencontre kiltirel ek ban lézot événeman sou responsabilité

                         comité exécutif

                        -Organisation ban réunion ek conférence

 

§2.Nom ek siège de lasociation

 

Lasociation éna pou nom “Mauritius-Deutscher Freundschaftskreis“ ek li siégé dan Sehnde, éne arondisseman dan Hanovre. Lasociation la enrégistré oficielman. Cé pou sa ki éna “e.V “ apré so nom, cé ki vé dir en allemand ki li renrégistré oficielman.

Lané comercial de lasociation corespone avek calendrier normal sak lané.

 

§3. Kalité de membre

 

(1)   Nimporte ki dimoun ki éna éne bon réputation ek ki conten kiltir, kapav rentre membre dan lasociation.

(2)   Lasociation fer parti ban membre d’honneur, membre normal ek ban zen membre.

(3)   Tou dimoun kine fer en parti kitzos bénéficiaire pou lasociation kapav vine membre d’honneur mé dépan lor décision ban lé zot membre dan réunion.Éne membre d’honneur éna mem droit ki éne membre normal. Ban membre d’honneur pa bizin paye kotité.

(4)   Ban membre normal cé ban membre actif.Zot pran part dan ban organization .

(5)   Ban zen membre osi zot ban membre actif. Zot pou considéré en tan ki zen membre a condition ki zot pa gagne 18 ans le prémié zanvié lané ki zot pou vine majeur.Cé a dir si zot pé gagne 18 ans apré le prémié zanvié, zot pou kan mem considéré coma éne zen membre.

 

 

 

 

 

 

§4.Droit ek dévoir ban membre

 

(1)   Ban membre normal, ban membre d’honneur ek ban zen membre a partir 16 ans, osi bien ban membre passif, cé a dir ban membre ki fine reste dan lasociation pendan 2 ans continielman, éna droit pou voté dan réunion ban membre.

(2)   Tou ban membre éna droit présente zot proposition ar comité exécutif dan reunion ban membre. Zot éna osi droit pou participe dan tou événeman organisé par lasociation.

(3)   Lasociation pa pou paye éne membre personelman pou service ki li pé rande lasociation.Mé si sa membre la in fer éne dépense résonable , par example line asté éne kitzos ki pou servi pou lasociation, a cé moman la, lasociation pou rembourse sa membre la pou so dépense

(4)   Si lasociation in fer éne profit, sa profit la pa pou partaze avek ban membre personelman.Profit la pou servi pou lasociation la li mem.

(5)   Ban membre oblizé :

-         Promouvoir le but de lasociation dapré sakin so capacité

-         traite tou ban kitzos ki aparténir lasociation avek soin

-         paye zot kotité a tan.

 

§5. Comensman ek la fin participation éne membre

 

(1)   Lenrégistréman pou rentre membre pou fer par écri. Comité exécutif décide lor enrégistréman pou sak dimoun ki envi rentre membre dan lasociation.Sa décision la pou passe a traver éne vote ki dépan lor majorité réponse positif ou négatif. Si comité exécutif in réfiz participation éne dimoun pou rentre membre, lerla ban lé zot membre normal pou kapav pran zot décision lor sa cas la pendan éne réunion. Lerla décision final pou fer a traver éne vote sélon kantité membre ki dacor ou pa.

(2)   Participation éne membre pou anulé

-         Si membre la in mor

-         Si membre la in kit lasociation la

-         Si lasociation in décidé pou népli acepté membre la

(3)   Si éne membre in décide pou démisioné, li pou bizin fer comité exécutif cone so démision par écri.

(4)   Éne membre ki envi démisioné bizin ran compte so démision 3 mois avan lané fini.

(5)   Lasociation décide pou démisione éne membre kan:

-         Éne membre continié pa paye so kotité apré 6 mois rétar malgré ki li fine gagne plisieur avertisseman pou sa.

-         Si éne membre pane respecté régléman lasociation ou in agir graveman contre lintéré lasociation

-         Si éne membre éna éne comporteman désonoran  mem si dan lasociation ou en dehor lasociation

-         Si éne membre éna comporteman  grave vis a vis la société

-         Si éne membre pa respecté corekteman disipline concernan lasociation

(6)   Si éne décision rapid in pran pou démisione éne membre tout dé suite, comité exécutif pou pran éne décision lor la, sa pou dépan lor éne vote kot la majorité ki pou décide pou éne décision final.

(7)   Avan ki comité exécutif décide pou démisione éne membre définitiveman, sa membre la pou éna 2 semaine létan kot li pou kapav défan li contre ban akisation ou réproche ki fine fer contre li.

(8)   Sa membre ki fine démisioné la pou récévoir éne lettre enrégistré kot li pou coné ki lasociation in démisione li.

(9)   Si lasociation in démision éne membre, sa membre la pou népli éna droit coma éne membre de lasociation. Selma membre la pou bizin paye so kotité pou létan ki li pa fine payé pendan ki li ti membre dan lasociation. Cé a dir si li éna éne rétar, mem si li fine kit lasociation la, li pou bizin paye so rétar.

 

§6. Prix pou enrégistréman ek kotité anuel

 

(1)   Lasociation déman éne contributuion de sak membre.Cé comité exécutif ki décidé comié contribution pou couté.

(2)   Bizin paye contribution pou éne an.Sa concerne osi éne membre ki pé kit lasociation ou éne membre ki fine gagne démision ou éne membre ki pé rentre dan lasociation.

(3)   Ban nouvo membre pou gagne droit voté pou éne élection si zot fine paye tou so contributuion pou éne an. Kapave éna exception mé tou dépan lor comité exécutif.

(4)   Si éne membre péna assé lé moyen pou paye so contribution, comité exécutif kapav permet ki sa membre la paye so kotité tigit tigit.Mé sa cé ene exception!

(5)   Ban membre éna ziska lé 1.juin sak lané pou paye au moin la moitié zot contribution ek zot éna ziska le 1.aout sak lané pou paye compléteman zot contribution anuel.

 

§7.Institution de lasociation

 

Dan sa lasociation éna              1,Éne comité exécutif

                                                           2.Réunion ban membre

 

§8.Comité exécutif

 

Dan comité exécutif éna:

a.Président

b.Vice-président

c.Sécrétaire

d.Trésorié

e.2 membre exécutif assistant

 

§9.Devoir comité exécutif

 

(1) Tou ban kitzos ki bizin réglé au nivo la loi ek mem ban kitzos ki pa concerne la loi, pou réglé par président ek sécrétaire.

(2) Comité exécutif dirige dévelopman ek ban zafer concernan lasociation. Comité exécutif bizin osi administré largent ek ban bien de lasociation ek osi pran ban décision.

(3) Selma président ek vice-président ki éna droit done lotorisation pu fer éne dépense moinse ki 400DEM.

(4) Si dépense la coute plis ki 400DEM, lerla 2 lot membre exécutif pou bizin done zot acor pou sa dépense la.

(5).Cé trésorié ki en charge la caisse de lasociation ek note tou ban révenu ek ban dépense. Cé trésorié osi ek ene lot membre exécutif ki pou bizin signé pou sak mandat pou payeman.

(6)   Election pou éne comité exécutif pou fer tou lé 2 ans pendan éne reunion de membre. Li fort possible ki bizin éna éne lot élection pou vote encor ene foi ene comité exécutif.

(7)   Tou ban décision ki pou pran par ban membre exécutif pou bizin passe pendan éne réunion du comité exécutif. Sa comité la bizin éna lieu dan la présence du président ek si président absent cé vice-président ki pran charge.Comité exécutif kapav pran éne désicion si au moin 3 membre exécutif présent. Si comité exécutif pa kapav pran aukin décision sa zour la lerla président ou vice-président pou bizin fer éne lot réunion exécutif dan lespace 3 semaine, concernan mem program ki ti pou éna dan prémié réunion.Dan sa deuxième réunion la , décision pou kapave pran kan mem ki kantité membre exécutif ki présent sa zour la.

(8)   Tou décision ki pou pran dan comité exécutif pou fer a traver éne vote kot la majorité ki pou conté.

(9)   Si éne membre exécutif in kit so fonction, lé zot membre exécutif éna droit remplace li par 1 lot dimoun ziska prosin réunion ban membre.

 

§10. Réunion ban membre

 

(1)   Éne bon réunion pou ban membre pou éna lieu éne foi par an, si possible pendan lé 3 prémié moi de lané. Sa réunion la pou passé dan la présence du comité exécutif.

(2)   Tou ban membre éna chance ek 2 semaine létan avan réunion pou donne zot lopinion ki pou noté lor program sa zour la.Sa 2 semaine létan la pou conté a partir zour ki éne membre in récévoir so linvitation pou vine réunion. Tou ban linvitation pou envoyé par la poste.

(3)   Comité exécutif kapav a tou moman fer éne réunion extra. Dan sa cas la, comité exécutif obligé fer sa réunion la si 30% ban membre in démandé pou fer éne réunion tou dé suite. Selma sa ban membre la pou bizin donne zot ban réson par écri kifer zot envi gagne ene réunion. A cé moman la comité exécutif pou bizin fer linvitation dan lespace éne semaine pou invite ban membre.

(4)   Pendan réunion ban membre, éna décision ki pou kapave pran a condition ki 3 tier ban membre présent sa zour la.

(5)   Si pa kapav pran aukin désicion sa zour la, comité exécutif pou bizin fer éne lot réunion dan lespace 3 semaine concernan mem program ki ti pou éna dan prémié réunion.

 

§11.Ban obligation kan éna réunion de membre

 

Kan éna réunion de membre certain dévoir bizin respecté.

(1)   Éne élection pou comité exécutif

(2)   Éne élection tou lé 2 ans pou vote 2 membre ki pou check la caisse de lasociation. Sa 2 membre ki pou élu pou check la caisse la, zot pou bizin au moin éne foi par an check la caisse lasociation ek tou ban dépense ek révenu de lasociation. Zot bizin osi ran conte tou ban transaction de lasociation pendan réunion ban membre.

(3)   Dan réunion ban membre bizin éna én conte rendu lor tou ban dépense de lasociation etc..ek tou sa ki fine organisé résaman.

(4)   Plan pou tou ban dépense ki pou éna dan lé futur.

(5)   Nomination ban membre d’honneur

(6)   décision ki pou pran lor changeman régléman de lasociation

(7)   Décision ki pou bizin pran si en cas lasociation pé cassé.

 

§12.Ban résolution ki pran pendan réunion

 

(1)    cé président de lasociation ki pou préside réunion.Si en cas président absent cé vice-président ki pou pran charge.Si tou lé 2 pa la, én lot membre ki pou remplace zot.

(2)    Tou ban décision ki pou pran pendan réunion pou passe a traver éne vote kot la majorité ki pou conté. Person pa kapav remplace én lot dimoun si pou éna pou voté.

(3)    èlection pou fer ouverteman, cé a dir ban membre pou montré ouverteman pou kisana zot pé voté

(4)    Normaleman élection pou comité exécutif ek pou 2 membre ki pou check la caisse, passe osi ouverteman, mé si éne parmi ban membre pa acepté pou fer sa élection la ouverteman lerla pou bizin fer li en secret.

(5)    Élection ban membre exécutif ek pou lé 2 membre ki pou check la caisse, pou fer a traver éne vote kot la majorité ki pou conté.Membre ki fine gagne pli bocou vote ki pou élu.

(6)    Si plisieur dimoun in pose candidat pou éne post, dimoun ki pou gagne pli bocou vote ki pou élu.Si 2 dimoun in gagne meme kantité vote pou éne post, lerla pou bizin refer éne election entre sa 2 dimoun la.Saki gagne pli bocou vote dans deuxième élection ki pou élu.

 

§13.Certification lor ban décision pou fer par écri

 

(1)Tou ban décision ki pou pran par ban membre exécutif ou par ban lé zot membre pou bizin fer par écri. Sécrétaire ek sa dimoun ki en charge réunion sa zour la ki pou bizin signe pou tou sa ban décision ki fine pran la.

(2)Sécrétaire ek sa dimoun ki en charge réunion ban membre pou bizin note tou sa ki fine dir pendan réunion ek signé.

 

§14.Changeman ban régléman

 

Décision kapav pran pou change ban régléman lasociation pendan én réunion. Paragraf ki pou changé bizin fer parti lor program ki pou éna pendan sa réunion la.Pou kapav acepté éne changeman dan régléman, fodé 2/3 membre bizin dacor avek sa décision la.

 

§15.Ban du bien de lasociation

 

(1)   Tou ban contribution, révenu ek moyen de lasociation pou servi pou le but de lasociation selma.

(2)   Persone pa pou récévoir largent de lasociation tan ki sa dépense la pa concerne lasociation la.

 

§16.Dissolution de lasociation

 

( si lasociation pé cassé )

(1)   Si éne décision in pran pou ki lasociation cassé, au moin 50% ban membre bizin la sa zour la, lerla bizin ¾ sa ban membre dacor pou acepté ki lasociation la cassé

(2)Parmi ban membre, pou bizin soisir 3 dimoun ki pou réglé ban dernié transaction ki concerne lasociation

(3)Kan lasociation in cassé, pou bizin paye tou ban dépense ek ban dette ki resté, apré lé reste pou remettre éne lasociation S.O.S pou zenfan.

 

Hanovre, lé 17.Novembre 2001.

Download Régléman lasocation!!!