...lors page officielle de “MDF e.V.”

Contenu:

 

 

Mot d’accueil de la Présidente

 

Chers morisiens ek tou ban kamarade ki kontan Maurice,

lé 5 mai 2001, 13 morisiens ki sorti dé tou koté dan l’Allemagne fine zoine dan Hanovre pou fonde lasociation “Mauritius-Deutscher Freundschafstkreis e.V“ (Mauritius German Friendship). Nou lasociation ouver pou tou morisien ki vive dan l’Allemagne ek ban kamarade de lil Maurice. Zot pou gagne réglément de lasociation ek ban décisions ki fine pran pendant lasamblé fondation de lasociation lors nou page suivan.

 

A présent nou lasociation éna 9 ans. En rétrospectif, en tan ki nuvo président mo fier ek mo kontan ki noune fine gagne succés ek ki nou réconu dan entié l’Allemagne. Pou éne lasociation, nou pé fer tou lé tan éne gran zéfor pou ki sa succés la touzour continié a présent coma dan lavénir. Lor sa point la, mo tia voudré rémercié de tou coeur Joe Nagloo ki apartenir a listoir de lasociation en tan ki prémié président du MDF e.V, pou so gran capacité ek responsabilité pou dirige sa lasociation la pendant premières années. Ene rémerciment spécial pou comité exécutif ki fine touzour fer zot mieux pou agrandi ek renforci nou lasociation. Biensir mo rémercié zot, ban membre de lasociation, car san zot soutien habituel, nou lasociation pa ti pou existé.

 

Zordi, nou mem pli gran lasociation avek morisien ek tou ban kamarade ki kontan Maurice, ek nou éna mem membre ki sorti lot pays. Kan mem nou lasoviation encor bien zéne, ban morisiens ki vive dan l’Allemagne ek ban kamarade allemand ki kontan Maurice in rési zoine a traver ban activité ki fine organisé par lasociation ek a traver sa, fine éna osi lamitié.

 

Pli gran but de nou lasociation, cé mainténir nou kiltir morisien ek tradition autant ki nou kapav ek osi souténir lintégration ban morisiens dan la société allemande. En rétour, nou lasociation donne osi la posibilité ban allemands ek tou ban ki kontan Maurice pou fer conésans lil Maurice ek habitué ek nou kiltir. Pou kapav ateindre nou but, nou organise au moin ene foi par an ene gran fete ki nou apel “Soirée Mauricienne“. Ene point important dan lorganisation sa fete la, cé ki tou lé lané nou change lendroit pou fer sa gran fete la. Lerla nou sir ki morisiens ek kamarade ki kontan Maurice dan entié l’Allemagne éna la posibilité pou vive sa gran évenement la.

 

A traver nou propre lexpérience, héreusement nou non selma kapav ek en mésir pou souténir ek conseil ban morisiens dan l’Allemagne dan différent situations mé osi ban dimoune ki intérésé ar Maurice ek osi ban morisiens ki dan Maurice ki intérésé avek la vi dan l’Allemagne.

 

Nou tia kontan konstrir éne rézo pou la cominoté morisienne ek zot ban kamarade ici dan l’Allemagne. Nou atan ki sa rézo la servi comme éne platform commun

 

-          pou zoine ensam, diskité, pou change lidé ek information

-         pou encouraz lé moricianisme, en mem tan nou langaz ek nou léritaz kiltirel

-         pou souténir lintégration ban morisiens dan l’Allemagne ek

-         pou donne la posibilité tou ban membre ki pa morisien, pré pou fer conésans lil Maurice dan l’Allemagne ek/ou touzour garde éne bon souvénir de Maurice.

 

Sak dimoun invité de tou coeur pou pran kontak avek nou, pou vine éne membre de nou lasociation ek réprésente activement nou but coma ambasader du Mauritius-German-Friendship ek lospitalité morisienne. Sa linvitation la concerne osi tou ban groupement morisien régional.

 

Zot kapav partisip dan nou prochain “Soirée Mauricienne“ lerla zot pou découver ki Maurice, li pa selma éne lil mé ki li osi existé kot tou ban morisiens été, pli précisément a traver zot ek nou.

 

Mo salué zot de tou coeur

 

Marie Fleurange Tschechne

Présidente du MDF e.V

 


Informationen/Informations

Siège

Sehnde  (Région Hanovre)

VR 130256 Amtsgericht Hildesheim

E-Mail-Adresse

Info@go-mauritius.org

Telephone

(05138) 61 46 04

 

Compte bancaire

Stadtsparkasse Hannover

Kto.-Nr.:    285900

BLZ:         25050180